Cili vend në botë shpenzon më shumë për ushtri?

Në vitin 2014 shpenzimet për trupat amerikane arritën në 571 miliardë dollarë, që është dukshëm më shumë se vendi i dytë, Kina, me 129.4 miliardë

Keystone

Asnjë vend në botë nuk i afrohet Shteteve të Bashkuara të Amerikës, kur është fjala për shpenzimet ushtarake, shkruan Statista, përcjell albinfo.ch. Në vitin 2014 shpenzimet për trupat amerikane arritën në 571 miliardë dollarë, që është dukshëm më shumë se vendi i dytë, Kina, me 129.4 miliardë.

Megjithatë, kur analizohet buxheti ushtarak si përqindje e PBB-së, gjërat duken ndryshe.

Arabia Saudite shpenzon më shumë në ushtri si kurrë më parë, dhe vitin e kaluar e ka rritur buxhetin ushtarak me 17 për qind. Tani buxheti ushtarak është 10.4% të PBB-së së vendit, sipas vlerësimit të SIPRI.

Nga ana e saj, Uashingtoni ndan vetëm 3.5% të PBB-së për aktivitetet ushtarake.

Këtu është renditja e vendeve që shpërndajnë përqindjen më të lartë të PBB-së për nevojat ushtarake:

E para është përmendur tashmë Arabia Saudite, e ndjekur nga Izraeli. E treta, ndoshta e parashikueshme është Rusia.

Pozita e katërt është për Shtetet e Bashkuara të Amerikës, dhe pas tyre vjen India. Mund të vërehet se asnjë vend i BE-së nuk është në mesin e pesë shteteve që shpenzojnë më shumë për ushtri.

Pozicioni i gjashtë ose si pjesë e BE-së, e cila ndan fonde për Departamentin e Mbrojtjes është Franca, pastaj vjen Turqia, Mbretëria e Bashkuar, Kina dhe Australia, të cilat përbëjnë dhjetëshin e parë në listë të vendeve që ndajnë më shumë buxhet për ushtri.