Çka ndodh me klientët pas bashkimit CS-UBS?

(KEYSTONE/Michael Buholzer)

Qëllimi kryesor duket se ende mbetet puna me klientët. Autoriteti i Tregut Financiar (Finma), i cili miratoi marrëveshjen midis UBS dhe CS, thotë se të gjitha aktivitetet e biznesit të bankave mund të vazhdojnë pa kufizime apo ndërprerje. Kjo nënkupton që depozituesit të mbrohen, llogaritë, llogaritë e kujdestarisë dhe shërbimet e tjera (sportele, ATM, e-banking, karta debiti dhe krediti) mbeten të aksesueshme si zakonisht, shkruan Blick, përcjell albinfo.ch.

Po ashtu të gjitha pagesat, si qiraja, pagat apo primet e sigurimit vazhdojnë të kryhen. Në të njëjtën mënyrë do të vazhdohet funksionimi edhe sa i përket borxhit hipotekor. I vetmi ndryshim i bie të jetë që interesi i paguhet UBS-së, raporton Blick, përcjell albinfo.ch.

Dyshime janë ngritur edhe mbi sigurinë e depozitave të klientëve. Si pasojë e kësaj, ditët e fundit, deri në 10 miliardë franga në fonde të klientëve thuhet se kanë dalë nga CS çdo ditë. Megjithatë, depozitat e klientëve janë të siguruara nga likuiditeti i bankës. Në fakt, nuk ka asnjë arsye për të vrapuar në sportele me shumicë dhe për të tërhequr para: Shumat deri në 100,000 CHF mbulohen nga sigurimi i depozitave, shkruan Blick, përcjell albinfo.ch.