Çka nëse Zvicra nuk fiton ndaj Kosovës?

Nesër Zvicra mund ta ketë në xhep biletën e Kampionatit Evropian me një fitore ndaj Kosovës. Rezultati i ndeshjes tjetër nuk ka ndikim, përcjell albinfo.ch.

“Edhe një barazim kundër Kosovës mund të mjaftojë për kualifikim direkt. Në këtë rast, kombëtarja varet nga loja mes Izraelit dhe Rumanisë.

Nëse Izraeli nuk merr tri pikë, Zvicra patjetër do të shkojë në Gjermani vitin e ardhshëm.

Por nëse Izraeli fiton ndaj Rumanisë, kombëtares do t’i duhet patjetër një barazim në ndeshjen e fundit jashtë fushe kundër Rumanisë”,  shkruan mediumi zviceran “20min”.

“Këtu gjërat bëhen pak më të ndërlikuara.

Në rast të humbjes ndaj Kosovës, Zvicra në fakt do të duhej të shqetësohej për biletën e Kampionatit Evropian.

Nëse Izraeli nuk fiton kundër Rumanisë në të njëjtën kohë, kombëtarja do të marrë një pikë në ndeshjen e fundit kundër Rumanisë. Por nëse Izraeli merr tre pikë, do të ketë një betejë të madhe trepalëshe në ndeshjen e fundit (Zvicra 16 pikë, Rumania 16 pikë, Izraeli 15 pikë).

Për shkak të duelit direkt me Rumaninë, kombëtares i duhet një fitore ose të paktën një barazim 2:2 për shkak të rezultatit 2:2 në ndeshjen e parë për të qëndruar para rumunëve dhe për të siguruar biletën për në Kampionatin Evropian.

Nëse një nga dy vendet e para të grupit nuk funksionon, kombëtarja ka ende rastin për t’u kualifikuar në Kampionatin Evropian 2024 përmes play-off-it.

Megjithatë, kundërshtarë të ashpër, si Kroacia, Bosnjë e Hercegovina apo edhe Italia mund të presin në rrugën A të play-off-it në mars”, shkruan mes  tjerash mediumi.