Çka përmban programi i Kosovës për Reforma në Ekonomi?

Ministri i Financave, Bedri Hamza ka thënë se ky Program është edhe një vegël përmes së cilës Komisioni Evropian monitoron performacën tonë

Sundimi i ligjit, efikasiteti në gjyqësor, furnizimi me energji, aftësimi profesional, përmirësimi i prokurimit publik, investimi në bujqësi dhe përmirësimi i shërbimeve sociale janë vetëm disa prej masave që institucionet kanë përfshirë në Programin për Reforma në Ekonomi.

Ministri i Financave, Bedri Hamza ka thënë se ky Program është edhe një vegël përmes së cilës Komisioni Evropian monitoron performacën tonë si kandidat potencial në transformimin e ekonomisë dhe arritjen e standardeve të tregut Evropian.

Si të një rëndësie të madhe, ky program ka paraparë edhe nisjen e ndërtimi të Termocentralit Kosova e Re.

Nga ana tjetër, zyrtarë të Komisionit Evropian kanë thënë se në vitet e fundit ka pasur përparim në bashkëpunimin brenda qeverisë dhe mes saj dhe atyre të BE-së. Ata kanë paralajmëruar se në muajin e ardhshëm do të bëjnë vlerësimin tjetër të dokumentit përfundimtar dhe ku pastaj KE-ja do t’ia dërgojë rekomandimet për Qeverinë.