Çka po ndodh me gastronomët në Kosovë?

(KEYSTONE/Jean-Christophe Bott)

Shoqata e Gastronomisë së Kosovës kërkon përkrahjen e shtetit, pasi që janë në prag të falimentimit.

Në një konferencë për media, Petrit Kllokoqi, kryetar i shoqatës, i ka bërë thirrje Qeverisë së Kosovës për ndihmë në mënyrë që të mos mbyllen 7 mijë biznese të këtij sektori, për shkak të masave të qeverisë dhe mossubvencionimit në paga dhe qira.

“Sot nuk jemi mbledhur për të kthyer punën 100 për qind, por për atë që na takon. Për shumë vjet iu kemi përgjigjur shtetit duke paguar taksat. Andaj kërkojmë bashkëpunim dhe nëse vazhdojnë masat të ketë subvencionim në paga dhe për qira. Shpenzimet vazhdojnë, ndërsa të hyrat fare pak, pra jemi pranë falimentimit. Jemi për respektim të masave, por jo të pambështetur”, tha ai.

Ai në fund tha se 25 biznese veç janë mbyllur në këtë sektor.

Më 27 korrik gastronomët do të ndërmarrin një aksion simbolik para qeverisë për, siç theksuan, dorëzimin e çelësave të lokaleve./KP