Çka shohin si të bezdisshme turistët te zviceranët?

Pixabay: Ilustrim

Mijëra turistë vizitojnë Lucernin çdo vit, megjithatë, çka e shohin të bezdisshme turistët te zviceranët dhe anasjelltas?

“E kam shumë të vështirë të krijoj kontakte me zviceranë apo të filloj një bisedë. Ata janë shumë të tërhequr dhe disa janë edhe të ftohtë. Shumë nuk janë miqësorë me turistët, gjë që është turp. Ata shpesh sillen në mënyrë shumë konservative”, thotë Anastasia (20) nga Britania e Madhe për zviceranët qendrorë, shkruan 20minuten.

Një turist tjetër thotë se zviceranët e lënë njëri-tjetrin të qetë.

“Në Zvicër njerëzit e lënë njëri-tjetrin të qetë dhe këtë e respektojnë. Por kjo ka edhe disavantazhet e saj, si për shembull, kur keni nevojë për ndihmë”, përcjell albinfo.ch.

Nga ana tjetër, vendasit shqetësohen nga turistët e shumtë.

“Shpesh më duhej të luftoja nëpër turmë në Urën e Kapelës. Prandaj e përdor rrallë këtë rrugë, edhe pse do të më shkurtonte rrugën”, thotë Alina (22) nga Lucerni.

“Ka turistë në gjithë qendrën e qytetit dhe ka mjaft bllokim trafiku”, pohon Ramona, 21-vjeçare, shkruan 20 minuten.

Gama e dyqaneve në metropolin turistik pasqyron këtë pikëpamje.

“Dyqanet janë pothuajse tërësisht të orientuara drejt turizmit, por fatkeqësisht nuk ka kafene të këndshme, komode apo oferta për studentët”, thotë një banor tjetër, përcjell albinfo.ch.