Çka thonë kandidatët për president të Maqedonisë Veriore?

Alsat M

Përgjatë zgjedhjeve presidenciale që po mbahen në Maqedoni, ka votuar edhe kandidati shqiptar për president për Maqedonisë Veriore, Blerim Reka.

Reka e ka quajtur ditë të madhe, njëherësh i ka ftuar qytetarët të votojnë, përcjell albinfo.ch.

“Sot është një ditë e madhe, paralajmërim për një faqe të re për Republikën e Maqedonisë në raport me Bashkimin Evropian. Ftoj qytetarët masivisht të votojnë”, tha Blerim Reka, transmeton alsat m.

Kurse kandidati maqedonas, Stevo Pendarovski, ndër të tjerash ka thënë se pret numër të madh të votuesve.

“Pres zgjedhje të qeta, ashtu siç i ka hije një shteti demokratik. Pres jehonë të madhe të votuesve, sepse qytetarët e dinë që bëhet fjalë për një koncept, përmes të cilit duhet të vazhdojë të zhvillohet Republika e Maqedonisë së Veriut”, tha Pendarovski.