Covid mund të mos çrrënjoset asnjëherë, thonë ekspertët

Nuk ka gjasa që COVID-19 të çrrënjoset, por ai mund të bëhet një sëmundje tjetër e kontrollueshme

Profesori Roland Kao, kryetar i Epidemiologjisë Veterinare dhe Shkencës së të Dhënave në Universitetin e Edinburgut, i tha Euronews se “ka sigurisht një mundësi që bota të mos shpëtojë kurrë nga COVID-19, por ai mund të përfundojë të jetë më i butë”.

“Në të njëjtën mënyrë si pandemia e gripit që ndodhi mbi 100 vjet më parë kishte tre valë infeksionesh gjatë çdo dimri dhe më pas ishte më e butë, kjo mund të ndodhë”, shtoi ai, duke theksuar se “ne nuk jemi saktësisht të sigurt se çfarë do të sjellë viti i ardhshëm”.

“Parashikimi është që nëse presim mjaftueshëm, do të bëhet më mirë, por ne kurrë nuk mund ta heqim qafe atë. Do të jetë një sëmundje tjetër për të cilën duhet të mendojmë”, vazhdoi ai.

Më shumë se 3.7 milionë njerëz kanë humbur jetën e tyre nga COVID-19 që nga fillimi i pandemisë me mbi 174.4 milionë që janë infektuar.

Shumica e botës perëndimore i është dashur të luftojë me tri valë të sëmundjes, të nxitura nga shfaqja e varianteve.

 

---