Cramon: Zgjedhjet në Serbi nuk ishin as të lira e as fer

Serbia mbajti zgjedhjet presidenciale dhe parlamentare më 3 prill.

Sipas rezultateve preliminare të publikuara nga organizatat joqeveritare në Serbi, IPSOS/CeSid, kandidati i Partisë Përparimtare Serbe dhe presidenti aktual i Serbisë, Aleksandar Vuçiq, ka fituar 59.8 për qind të votave.

Për procesin e zgjedhjeve ka reaguar eurodeputetja Viola von Cramon.

Përmes një shkrimi në Twitter ka thënë se zgjedhjet në Serbi nuk ishin as të lira e as fer.

“Zgjedhjet serbe demonstruan zhvillime pozitive, pasi një numër i konsiderueshëm i votuesve ishin të etur për të marrë pjesë. Serbia do të ketë sërish një Parlament pluralist dhe të larmishëm. Megjithatë, zgjedhjet në Serbi nuk ishin as të lira e as të drejta”, tha ajo.

Ndërkaq, pas raportimeve se shqiptarët po fshihen nga lista e votuesve në Serbi, Cramon ka kërkuar që raste të tilla të përfshihen në raportin paraprak të Misionit vëzhgues të zgjedhjeve, por edhe në deklaratën e PE-së.

? physical assault on @PavleGrbovic & election controllers of the @nedavimobgd as well as the closing down of the Election Commission #RIK on the election night, publishing neither preliminary results nor voter turnout, indicate the impossibility to have a free and fair choice!

— Viola von Cramon (@ViolavonCramon) April 5, 2022