Cyrihu dhe Bazeli, destinacionet më të frekuentuara nga Prishtina

Destinacionet më të frekuentuara ishin Cyrihu, Bazeli, Stambolli, Dyseldorfi, Shtutgarti, Gjeneva, Munih, Vjena, Frankfurti, Berlini

Foto: Bujar Gashi

Numri i udhëtarëve nga Aeroporti Ndërkombëtar i Prishtinës “Adem Jashari” vazhdon të rritet.

Për dhjetë ditë, apo nga 1 deri më 11 janar ka pasur 59,704 pasagjerë, gjë që ky numër shënoi rritje për 11.6 % në raport me vitin e kaluar për të njëjtën periudhë kohore.

Këtë e ka bërë të ditur zëdhënësja e Aeroportit të Prishtinës, Valentina Gara, për gazetën “Epoka e re”, përcjell albinfo.ch.

Sipas saj, destinacionet më të frekuentuara ishin Cyrihu, Bazeli, Stambolli, Dyseldorfi, Shtutgarti, Gjeneva, Munih, Vjena, Frankfurti, Berlini etj.

Numri i pasagjerëve shënoi rekord vitin e kaluar, derisa pritet që edhe këtë vit, të jetë shumë i frekuentuar.