Dallimi interesant mes rezultateve të zgjedhjeve në vitin 2019 dhe 2021

Pas publikimeve të rezultateve nga exit poll-eve doli që Vetëvendosja po prin me 50 + përqindje të votave, e partitë e tjera pas saj. Mirëpo, krahasuar me zgjedhjet e vitit 2019 kjo e fundit ka pësuar rritje të madhe.

Në vitin 2019 në bazë të rezultateve, Lëvizja Vetëvendosje, kishte marrë 26.12% të votave, Lidhja Demokratike e Kosovës (LDK) 24.45 %, Partia Demokratike e Kosovës (PDK) 21.16 %, Aleanca për Ardhmërinë e Kosovës (AAK) në koalicion me Partinë Socialdemokrate kishte marrë 11.47 %, Lista Serbe 6.74 për qind të votave dhe Nisma Socialdemokrate 4.98 % për qind.

E kësaj here ky rezultat duket pothuajse krejt ndryshe, përcjell albinfo.ch.

Exit polli i RTV Dukagjinit ka nxjerrë fituese Lëvizjen Vetëvendosje me 55 deputetë.

Pas Lëvizjes Vetëvendosje vijnë PDK me 20 deputetë, LDK me 17 deputetë, AAK me 8 deputetë dhe 20 vende janë të rezervuara për deputetë e komuniteteve jo-shumicë.

Sipas rezultateve, LVV është rritur me 101.7 %, LDK ka rënie me 30 %, PDK ka rënie me 5.7, AAK ka rënie me 39.1 % dhe Nisma ka rënë me 68.7 %.