Danimarka miraton ligjin për të dërguar azilkërkuesit jashtë Europës

Deputetët e Danimarkës kanë votuar “pro” ligjit që do t’i dërgojë azilkërkuesit të trokasin në dyert e vendit në shtete që ndodhen jashtë Europës, gjatë kohës së vlerësimit të kërkesës për azil.

Ligji, i cili u miratua me 70 vota pro dhe 24 kundër gjatë së enjtes, është ndër masat më të fundit që ndërmerr vendi kundër emigracionit dhe synon të dekurajojë ardhjen e emigrantëve në territorin danez.

Muajin e shkuar Kopenhaga firmosi një Memorandum Mirëkuptimi me Ruandën rreth çështjeve të emigracionit dhe kërkesave për azil. Asokohe, qeveria i cilësoi si “spekulime” zërat se po përpiqej të dërgonte azilkërkuesit drejt shtetit afrikan.

Megjithatë, memorandumi ishte i qartë mbi synimet afatgjata të Danimarkës.

“Vizioni i qeverisë daneze është që vlerësimi i kërkesave të azilkërkuesve të bëhet jashtë BE-së, në mënyrë që të shpërbëhet struktura negative e sistemit aktual të kërkesave për azil”, shkruhet në ligjin e miratuar nga Parlamenti./Euronews