Dardania shpreson për sukses në Kupën e Zvicrës

Dardania do të luajë kundër FC Zuzwil në raundin 1/8 e kualifikimeve të Kupës së Zvicrës

Skuadra shqiptare në Zvicër, Dardania e St. Gallenit, të dielen do të luajë kundër FC Zuzwil në rundin 1/8 e kualifikimeve të Kupës së Zvicrës.

Ndeshja do të zhvillohet në Gemeindesportplatz Zuzwil në ora 20.15, shkruan albinfo.ch.

Dardania ka gjasa të mira të kalojë në rrethin e ardhshëm, derisa e ka nisur kampionatin shumë mirë, me gjashtë fitore në gjashtë ndeshje në Ligën e Tretë, Grupi 2.

Është interesant se kundërshtari i Dardanisë është në një grup me FC Besën e St. Gallenit dhe brenda javës do të zhvillojë dy ndeshje me dy skuadra shqiptare, njërën për Kupë nesër dhe të shtunën ndeshjen kampionale kundër Besës, që po ashtu është në krye të tabelës në grupin e vet.

 

 

---