De Biasi nuk e fton Manajn në Evropian

Kampionati Evropian i futbollit në Francë po afrohet, derisa dilemat po rriten. Gianni de Biasi ende nuk e ka shpallur listën për Evropianin e verës, shkruan albinfo.ch.

Njëra ndër dilemat është nëse do të ftohet sulmuesi i Interit, Rey Manaj. Portali italian për transferime ‘claciomercato’ në një shkrim të saj ka bërë të ditur se Aston Villa është duke kërkuar sulmuesin shqiptar, i cili shkëlqeu ndaj Juventusit në finalen e Kupës U-19.

Edhe Manchester City ka kërkuar sulmuesin shqiptar, por zikaltrit nuk duan të shesin. Ai mund të huazohet gjatë verës, por jo të shitet. Portali italian ka shkruar gjithashtu se Manaj nuk do të ftohet në Evropian. “De Biasi duket se ka qëllim të konfirmojë grupin që e çoi ekipin në kualifikimin historik, duke përjashtuar Manajn, i cili do të ketë një karrierë përpara edhe me Kombëtaren”.