Dëmet nga fatkeqësitë natyrore vitin e kaluar, 175 miliardë dollarë

Fatkeqësitë natyrore, përfshirë tërmetet dhe stuhitë në vitin 2016 shkaktuan dëme në gjithë botën që arrijnë në 175 miliardë dollarë, vlera më e madhe që nga viti 2012, raporton kompania e sigurimeve gjermane “Munich Re”, transmeton albinfo.ch.

Në krahasim me 2015-ën, kjo shumë u rrit me 67 për qind. Në të kundërtën, fatkeqësitë natyrore gjatë vitit të kaluar kanë marrë jetën e më pak njerëzve se sa në vitin 2015, një total prej 8.700. Në vitin 2015 jetën e humbën 25.400 njerëz.

Dëmet më të mëdha të vitit të kaluar, sipas “Mynih Re”, janë shkaktuar nga tërmeti në ishullin japonez Kyushu l, 31 miliardë $, si dhe nga përmbytjet në Kinë, 20 miliardë dollarë.