Demografi zviceran hedh poshtë nismën kundër imigracionit

Debat i ri mbi të ardhmen demografike të Zvicrës

Partia Popullore Zvicerane (SVP) ka lansuar nismën “Jo për 10 milionë”, me synimin për të parandaluar që popullsia e Zvicrës të arrijë 10 milion banorë, përcjell albinfo.ch.

Megjithatë, demografi Hendrik Budliger vlerëson se ky kufi mund të mos arrihet kurrë, duke iu referuar plakjes së popullsisë dhe rënies së vazhdueshme të lindshmërisë.

“Imigracioni neto sot mbetet i lartë, por kjo nuk do të thotë se do të jetë gjithmonë kështu,” tha ai në një intervistë për mediat zvicerane. “Imigracioni varet shumë nga konteksti ekonomik dhe gjeopolitik. Unë e konsideroj më realist skenarin e rritjes së ulët. Nuk besoj se Zvicra do të arrijë ndonjëherë 10 milion banorë.”/Albinfo.ch

---