Demonstrim në qytetet zvicerane për mbrojtjen klimatike

Këto manifestime janë pjesë e një fushate gjithëbotërore. Në gjithë botën janë mbajtur gjithsej 2300 manifestime të tilla

Mijëra persona, të ndarë në gjashtë qytete të Zvicrës kanë demonstruar sot duke apeluar për një marëveshje më të arsyeshme dhe konkrete që do të ndihmonte në zgjidhjen e problemit të ndryshimeve klimatike në botë. Veç kësaj, protestuesit kanë kërkuar edhe rritjen e kontributit të Zvicrës në këtë kontekst.

Në Gjenevë kanë marrë pjesë në mes 2000 dhe 3000 veta, në mesin e të cilëve, tetë aktivistë të Partisë së Gjelbër, kanë defiluar gjysmë të zhveshur, raporton srf.ch.

Zvicra do të duhej që deri në vitin 2030 të zvogëlonte për 60 për qind emetimin e dioksid karbonit ndërsa në vitin 20150 ajo duhet të mbështete plotësisht në energjitë fosile, ka kërkuar deputetja nacionale nga SP/PS Nadine Masshardt në fjalimin e saj të mbajtur në njërën nga këto demonstrime, në Bundesplatz të Bernës.

Këto manifestime janë pjesë e një fushate gjithëbotërore, transmeton albinfo.ch. Në gjithë botën janë mbajtur gjithsej 2300 manifestime të tilla. Ato janë zhvilluar në prag të mbajtjes së konferencës mbi mbrojtjen e klimës, e cila do t`i zhvillojë të hënën punimet në Paris në nën masat më të rrepta të sigurisë, me praninë e delegacioneve të 195 vendeve të botës, gjegjësisht rreth 10.000 anëtarë gjithsej.