Dënohet zvicerani që në Facebook apeloi për t`i sulmuar myslimanët

Gjykata Kantonale ka këmbëngulur se termi është urrejtës duke e përkufizuar në wiktionnaire dhe e ka ftuar Gjykatën e lartë që ta korrigjojë vendimin, gjë që është realizuar të mërkurën

Gjykata Federalee  Zvicrës e ka konfirmuar vendimin e dënimit të një qytetari të Kantonit Vaud, i cili kishte kërcënuar se do t`i sulmonte myslimanët pas masakrës ndaj redaksisë së revistës satirike franceze “Charlie Hebdo”.

Ankesa e tij e dytë është refuzuar nga Gjykata Federale. Më 7 janar të vitit 2015, në profilin e tij në Facebook, ai kishte shkruar publikisht: “Do të organizoj një natë të kristaltë. Kush do të më shoqërojë t`i djegim muzz (një fjalë urrejtjeje për terroristët islamikë)”. Tri orë më vonë, ai kishte shtuar: “Së shpejti do të më vijë edhe P226 me kalibër prej 12 mm”. Me këtë rast, ai ka aluduar në pistoletë.

Në muajin maj të vitti 2016, Gjykata Kantonale e Vaudit ia ka konfirmuar dënimin prej 25njësive ditore me nga 30 franga dhe një gjobë prej 150 frangash. Ky vendim ishte ndërprerë në shtator të vitit të kaluar nga Gjykata Federale, shkruan “20 Minutes”, përcjell Albinfo.ch.

Ajo ka theksuar se instanca më e ulët nuk mund të bazohej në domethënine e fjalës “muzz” vetëm nga fjalori i Wiktionnaire, për të konstatuar se kjo fjalë përfshin gjithë komunitetin mysliman. Gjykata ka pohuar se kjo fjalë nuk është me asnjë karakter zyrtar dhe definimi i saj mund të modifikohet lirshëm.

Mirëpo Gjykata Kantonale ka këmbëngulur se termi është urrejtës duke e përkufizuar në wiktionnaire dhe e ka ftuar Gjykatën e lartë që ta korrigjojë vendimin, gjë që është realizuar të mërkurën në një vendim të publikuar nga ajo.