Deri tani në Kosovë, 113 raste me AIDS

Në gjithë botën sot shënohet Dita Botërore kundër AIDS-it. Kjo ditë do të shënohet edhe në Kosovë me disa aktivitete të ndryshme.

Emel Ajdini, koordinatorja e organizatës “Integra”, ka thënë se deri tani në Kosovë janë 113 raste me AIDS, që nga shfaqja e këtij virusi dekada më parë.

“Nëse duam t’i japim fund kësaj sëmundje duhet t’i japim të drejtë atyre që janë me këtë virus qasje dhe të drejtat në shëndetësi”, tha ajo sot për televizionin publik të Kosovës.

Ajdini ka thënë se është e vështirë të ketë matje për vetëdijesim të qytetarëve për këtë virus.

“Ka vetëdijesim, por presim që në vitet e ardhshme të kemi ndryshim për të mirë sa i përket vetëdijesimit për këtë sëmundje”, tha ajo.