Dërmohet India, mbi 400 mijë raste me Covid-19 në ditë

Pandemia koronavirus ka dalë totalisht jashtë kontrollit në Indi. Gjatë të shtunës janë raportuar mbi 400 mijë raste të reja, rekordi më i lartë në gjithë botën. Kjo e çoi bilancin në mbi 19 milionë persona të infektuar me Covid-19 në Indi, që prej fillimit të pandemisë. I lartë është edhe numri i jetëve të humbura në 24 orë, mbi 3500, raporton CNN, përcjell Albinfo.ch.

Bilanci total i viktimavve është mbi 211 mijë. Probleme të shumta paraqiten në strukturat spitalore, ndërsa raportohet mungesë mjetesh dhe personeli mjekësor.

Ministria e Shëndetësisë ka hapur qendra të shumta vaksinimi, ndërsa raportohet se janë administruar rreth 155 milionë doza. Megjithatë, vetëm 2% e popullatës është imunizuar plotësisht ndaj Covid-19. India ka zgjeruar dhe grupmoshën e personave që mund të vaksinohen në 18 vjeç e sipër.