Detaje nga vrasja në Prishtinë

Një 27-vjeçar është vrarë sot në mesditë në Prishtinë. Vrasja ka ndodhur më saktësisht në rrugën “Haxhi Zeka”.

Mediat kanë raportuar se 27-vjeçari me inicialet A. J. është vrarë me armë në veturën e tij nga një personm, i cili ka gjuajtur nga një veturë tjetër.

Gjithashtu mediat kosovare kanë raportuar se në vrasje janë të përfshirë babai dhe vëllai i gruas së 27-vjeçarit, përcjell albinfo.ch.

Sipas policisë, një person është arrestuar dhe është intervistuar, ndërsa në kërkim janë edhe disa të tjerë.

“Aktualisht jemi në fazën preliminare të hetimit të rrethanave të këtij rasti dhe po ndërmarrim të gjitha veprimet e nevojshme për ndriçimin e plotë të rrethanave që e karakterizojnë këtë rast, përfshirë këtu edhe intervistimin e cilitdo person, që në një ose mënyrë tjetër mund të jetë i implikuar në rast”, ka thënë policia.

Policia ka njoftuar edhe se “ndërkohë që  është zgjeruar rrethi i hetimit janë kryer tri operacione të bastisjeve në lokacione të ndryshme, ku dyshohet se i dyshuarit mund të jetë fshehur për t’iu shmangur arrestit policor”.