Detaje të reja tronditëse për vrasjen e boksierit kosovar në Gjermani

Boksieri nga Kosova, Besar Nimani, është vrarë mbrëmjen e së shtunës në qytetin Bielefeld në Gjermani.

Nimani ishte vrarë nga persona që tanimë ndodhen në arrati dhe policia gjermane është në ndjekje të tyre, teksa janë zbardhur detaje të reja për vrasjen e tij.

Dy personat, që dyshohet se ishin autorët e krimit, kanë shkrepur 16 plumba në drejtim të tij, derisa gjashtë nga ta kanë përfunduar në trupin e Nimanit, transmeton albinfo.ch.

Deri më tani, kur kanë kaluar rreth 48 orë nga vrasja tragjike e boksierit shqiptar, ende nuk ka asnjë të arrestuar, edhe pse i dyshuar mbetet një irakian.

Ndryshe, Nimani kishte mbetur i plagosur në vitin 2013 nga një shtetas turk me pasaportë gjermane, i cili përveç boksierit shqiptar, kishte plagosur edhe katër persona të tjerë.