Dhurata për Krishtlindje: I kthehet çanta me 16 mijë euro

Një ngjarje interesante ka ndodhur natën e Krishtlindjeve në Gjermani

Një 63-vjeçar mori një befasi të bukur për Krishtlindje, kur një kalimtar i ndershëm i ktheu atij çantën e shpinës, të mbushur me dhurata dhe 16 000 euro, të cilën e kishte harruar nën një pemë.

Kalimtari, 51 vjeç, që u pengua te çanta, lajmëroi policinë pak para mesnatës së vigjiljes së Krishtlindjes, transmeton ATSH.

Ai refuzoi të merrte shpërblim, sepse ishte Krishtlindje, përcjell albinfo.ch.

Në Gjermani, të gjithë personat që kthejnë sende të humbura marrin shpërblim në bazë të vlerës së sendit të kthyer.

---