Diaspora ndikon në rritjen e udhëtarëve në Aeroportin e Prishtinës

Foto ilustrim

Diaspora shqiptare vazhdon të japë kontribut të madh në Kosovë në forma në të ndryshme, direkte dhe jo-direkte.

Ata asnjëherë nuk e harrojnë vendlindjen, duke e vizituar gjatë sezonit të festave dhe pushimeve.

Kjo ka bërë që të ketë rritje të udhëtarëve dhe udhëtimeve nga Aeroporti Ndërkombëtar “Adem Jashari” në Prishtinë.

“Falënderojmë Diasporën që vazhdimisht zgjedhin ANP ‘Adem Jashari’, duke ndikuar kështu që në vetëm në janar të arrijmë prej 17.33% më shumë udhëtarë se sa në vitin e kaluar”, shkruan Valentina Gara, zëdhënësja e aeroportit në rrjetet sociale.

Në janar të vitit të kaluar kishte 122 844 udhëtarë, kurse në janar të këtij viti kjo shifër ka arritur në 144 137 udhëtarë. Gjithashtu edhe fluturimet janë rritur nga 993 në janar të vitit të kaluar në 1 122, sa kanë ndodhur këtë vit.