Diaspora në Shqipëri vazhdon edhe sot protestën

Mërgimtarët në Shqipëri kanë paralajmëruar se do të protestojnë sërish sot para ndërtesës së Kryeministrisë. Protesta pritet të nisë rreth orës 12:00. 

Një ditë më parë, protestës së diasporës iu bashkuan edhe një grup studentësh si dhe banorët e zonës së Unazës së Re, ku këta të fundit kundërshtojnë shembjen e banesave të tyre. 

Ndonëse Drejtoria e Policisë së Tiranës nuk u dha leje atyre për protestën, ata përcollën mesazhe kundër krimit, korrupsionit dhe varfërisë në Shqipëri, shkruan albinfo.ch

Një prej kërkesave të diasporës është edhe vota e tyre në zgjedhje. Deri më tash atyre iu ka dalë në mbrojtje vetëm Presidenti Ilir Meta.