Lajme

Dirigjenti hungarez vaksinohet gjatë koncertit

E premte, 27 Gusht 2021 - 21:25 albinfo.ch

@pixabay

Një dirigjent i orkestrës hungareze mori dozën e radhës së vaksinës për mbrojtje ndaj COVID-19 në skenë, gjatë një koncerti në ambient të hapur në Budapest, të mërkurën, si pjesë e një përpjekjeje për të inkurajuar njerëzit që të vaksinohen. Hyrja në koncert ishte falas.

Drejtuesi i Orkestrës së Festivalit të Budapestit, Ivan Fischer, hoqi xhaketën e tij për të zbuluar një këmishë të bardhë me një vrimë në mëngë. Ndërsa e mbante shkopin në lëvizje dhe gjersa orkestra luante, një mjek ia dha dozën e tretë Fischerit, diçka që u duartrokit nga turma.

Veprimi i koreografuar me kujdes ishte një përpjekje për të “rritur më shumë ndërgjegjësimin e njerëzve karshi nevojës për vaksinim” në Hungari, ka thënë drejtoresha menaxhuese e orkestrës, Orsolya Erdodi./AP