Shtëpi të ndërtuara në mënyrë të veçantë në Angli

Kjo shtëpi unike në Angli i bën vizitorët të kthehen me kokë poshtë.

Shtëpia e quajtur “Upside Down”, që qëndron në çatinë e saj, është ide e inxhinierit Tom Dirse.

Shtëpia unike është ndërtuar për të siguruar një mundësi të re për të bërë fotografi.

“Ne duam që ajo të jetë sa më realiste që është e mundur. Ndërsa kur realizojmë fotografi, ndihemi sikur jemi në shtëpinë e dikujt”, thotë Dirse.

Vizitorët mund të shihen duke qëndruar në tavan, duke mbajtur mobiliet, duke shikuar nga dritarja ose duke shkuar në tualet, transmeton albinfo.ch.

Me fotografitë që i realizojnë, ata synojnë të jenë sa më kreativë kur t’i shpërndajnë në mediat sociale.

Kompania që e ndërtoi këtë shtëpi, tashti i zotëron 4 të tilla.

Një shtëpi e tillë kaq tërheqëse, për të parën herë, u ndërtua në fund të vitit 2018 në Bournemouth, një vendpushim bregdetar në bregun jugor të Anglisë.

Shtëpitë ndryshojnë me stinët, brenda dhe jashtë.