Futboll

Dita e Shqipërisë

Ndeshja Shqipëri-Moldavi zhvillohet nga ora 18:00. Kuqezinjve u mjafton një pikë për t'u kualifikuar në Evropian

E premte, 17 Nëntor 2023 - 12:40 albinfo.ch

Shqipëria do të sfidojë Moldavinë për herë të shtatë në histori.

Kuqezinjtë zbresin në fushën e Stadionul Zimbru me misionin për të prerë biletën në Gjermani 2024 dhe për të ruajtur pathyeshmërinë ndaj këtij kundërshtari.

Në gjashtë duelet e mëparshme kundër Moldavisë, Shqipëria ka regjistruar 5 fitore dhe një barazim, në miqësoren e gushtit të vitit 2012 në Shqipëri. Ndeshje që përfundoi në barazim pa gola, përcjell albinfo.ch.

Ndërkohë që takimet e tjera kanë qenë për eliminatoret e Evropianëve. Të pesta të fituara nga kombëtarja shqiptare. Vlen për t’u theksuar se kuqezinjtë kanë pësuar gol nga Moldavia vetëm në një sfidë.

Ndeshja Shqipëri-Moldavi zhvillohet nga ora 18:00. Kuqezinjve u mjafton një pikë për t’u kualifikuar në Evropian.