Dita e Zvicrës dhe e Kosovës

Zvicra dhe Kosova sonte zhvillojnë ndeshjet në kuadër të kualifikimeve për Euro 2024

Sonte zhvillohen ndeshjet e treta kualifikuese për Euro 2024. Interesi sigurisht është në Grupin I, ku bën pjesë Zvicra dhe Kosova, shkruan albinfo.ch.

Zvicra është mysafire e Andorrës, në takimin që zhvillohet nga ora 20:45. Nati ka fituar dy ndeshjet e para dhe me gjashtë pikë sigurisht që është favorite ndaj Andorrës.

Ndërkohë, Kosova do të përballet me Rumaninë në Prishtinë, në takimin vendimtar për Dardanët. Kosova ka dy pikë (një barazim me Izraelin dhe një me Andorrën), kurse Rumania po ashtu ka gjashtë pikë, andaj shihet si vendimtare.

Kosova do t’i ketë dy mungesa kundër Rumanisë (nga ora 20:45), që përzgjedhësi Alain Giresse i ka quajtur të rëndësishme. Elbasan Rashani është larguar nga grumbullimi për shkak të lëndimit, ndërsa Edon Zhegrova mungon ndaj Rumanisë për arsyen e njëjtë.

---