Dorëzohen 200 kravatat për kryeministrin

Sot po mbahet një aksion simbolik ‘humanitar’ me moton “Kryeministër na po vim met ndihmu”, ku njerëz ‘të vullnetit të mirë’ kanë dalë para Teatrit Kombëtar në Prishtinë, për t’i dorëzuar kravatat kryeministrit, Ramush Haradinaj, i cili ia ka rritur pagën vetes qindpërqind, e që tani e merr 2950 euro, përcjell albinfo.ch.

Në një emision televiziv Haradinaj ka thënë se duhet të blejë këmisha dhe kravata dhe si kryeministër nuk mund të dal gjithqysh.

Manifestimi është afër Qeverisë së Kosovës, ku do t’i dërgohen kryeministrit më shumë se 200 kravata.

Madje, disa e kanë ndihmuar edhe me para. Njëri nga minatorët e Trepçës hodhi disa cent si ndihmë për kryeministrin.

“Selam nga minatorët”, u ul dhe hodhi disa cent njëri nga minatorët.

Të njëjtën gjë e bëri edhe një mësues. “Unë jam që 40 vjet punëtor i arsimit”, u kërrus dhe hodhi disa cent për kryeministrin, shkruajnë mediat vendore.

Ndërkohë, njërën prek kravatave e ka marrë këshilltari i tij, Halil Matoshi.