Doris Leuthard: “Jemi partnerë besnikë që vlerësohemi”

"Ne kemi ende për të zgjidhur një ose dy çështje teknike mes dy vendeve tona, por unë mendoj se mund të themi se jemi partnerë besnikë që vlerësohemi", theksoi ajo

Keystone

Doris Leuthard dhe Emmanuel Macron u takuan për herë të parë në Paris të martën. Presidentja e Konfederatës ka parë një “sinjal pozitiv” për bashkëpunim bilateral dhe një shenjë “ngrohjeje” mes dy vendeve.

“Nëse Franca shkon mirë, Zvicra është mirë”, ka thënë Doris Leuthard duke dalë nga Pallati i Elizës në një deklaratë të shkurtër për shtyp së bashku me Emmanuel Macron. Takimi mes dy liderëve zgjati rreth pesëdhjetë minuta.

Këshilltarja federale përshëndeti pritjen e presidentit të ri francez. “Unë shoh një sinjal pozitiv për bashkëpunimin tonë dhe zhvillimin e marrëdhënieve franko-zvicerane”, është shprehur ajo.

Diskutimet, shumë pozitive

E intervistuar menjëherë pas emisionit Forum, Doris Leuthard ka nënvizuar ngrohtësinë që mbizotëronte jo vetëm në Paris, por edhe mes Zvicrës dhe Francës, gjatë  takimit të lartpërmendur.

“Ne me të vërtetë kemi pasur diskutime shumë pozitive, Presidenti dhe Kryeministri e pëlqejnë Zvicrën, ne kemi ende për të zgjidhur një ose dy çështje teknike mes dy vendeve tona, por unë mendoj se mund të themi se jemi partnerë besnikë që vlerësohemi”, theksoi ajo.