Dua Lipa më e kilikuara në Mbretërinë e Bashkuar

Dua Lipa shpallet artistja më e klikuar në Mbretërinë e Bashkuar për vitin 2024

Këngëtarja me origjinë shqiptare, Dua Lipa, është shpallur si artistja më e klikuar në Mbretërinë e Bashkuar për vitin 2024.

Raporti i “Phonographic Performance Limited” e renditi Dua Lipën si artisten më të klikuar, transmeton albinfo.ch.

Për Dua Lipën kjo është hera e dytë që ajo merr këtë titull. Në vitin 2020 ajo u rendit po ashtu si artistja më e dëgjuar nga britanikët.

“Është një nder i vërtetë të emërohem artistja më e klikuar në Mbretërinë e Bashkuar për herë të dytë. Viti 2024 ishte një vit i jashtëzakonshëm dhe jam shumë mirënjohëse për të gjithë ata që kanë mbështetur muzikën time në radio, televizion dhe në vende të ndryshme në të gjithë vendin,” tha e emocionuar Dua Lipa.

Sipas raportit, këngët e Dua Lipës klikohen mesatarisht 400 herë në ditë dhe më e preferuara në gjithë repertorin e saj është “Houdini”.

Lipa zbriti nga froni Ed Sheeran, i cili për tre vjet mbajti titullin si këngëtari më i preferuar në Britani. Raporti e renditi Ed Sheeran në vendin e tretë, kurse në vend të dytë Taylor Swift. Në vendin e katërt u rendit David Guetta, kurse në vendin e pestë Coldplay.

---