Dua Lipa, me statujë prej dylli edhe në Amsterdam

Dua Lipa, një emër shumë i njohur në botë dhe fituese e dy çmimeve “Grammy”, kjo falë talentit të saj dhe këngëve tejet të suksesshme që i sjell shumë shpesh, ajo përsëri  është bërë me figurë prej dylli, shkruan KultPlus, përcjell albinfo.ch.

Këngëtarja shqiptare me famë  botërore e bëri të ditur këtë përmes një postimi në Facebook, ku falënderonte muzeun  “Madame Tussauds Amsterdam” që kanë  krijuar një monument prej dylli, një kopje të saj. Ky muze gjendet në Amsterdam të Holandës dhe është muze i artit modern.

“Faleminderit Madame Tussauds Amsterdam për një krijim tjetër përtej momentit surreal, duke parë një kopje time prej dylli. Kush mund të mendojë se ku kam veshur rrobat që janë të punuara prej dylli?”, ka shkruar ndër të tjerash në llogarinë personale Dua.

Kujtojmë se këngëtares nga Kosova një javë pasi fitoi dy çmime “Grammy” iu krijua figura prej dylli në muzeun e dyllit “Madame Tussauds” në Londër.