Dua Lipa në ballinën e New York Times Magazine

Në një postim në rrjetet sociale, Dua Lipa ka treguar se ka zënë vend në ballinën e njërës prej revistave Amerikane, ‘The New York Times Magazine’, përcjell albinfo.ch.

Artistja këtë e ka bërë të ditur nëpërmjet postimit të disa fotove, ku ajo duket mjaft tërheqëse dhe plot stil.

“Kopertina e New York Times e fotografuar nga John Edmonds ~ stilimi i Lorenzo Posocco ~ flokët Chris Appleton ~ make-up Samantha Lau”, ka shkruar Lipa.

Kujtojmë se albumi i fundit i saj “Future Nostalgia” është bërë më i transmetuari për tri javë rresht në Spotify duke lënë kështu mbrapa edhe albumin e këngëtarit të famshëm amerikan The Weeknd “After Hours”.