Dua Lipa në Berlin për çmimin ‘Bambi’

Keystone

Këngëtaret shqiptare vazhdojnë të jenë të suksesshme në skenën evropiane. Dua Lipa, Rita Ora e Bebe Rexha, janë të pranishme në shumë manifestime në mbarë Evropë dhe botë, derisa kanë fituar gjithashtu edhe shumë çmime ndërkombëtare.

Kështu, Dua Lipa do të jenë e pranishme në ndarjen e çmimeve ‘Bambi’ në Berlin më 16 nëntor.

Lajmin e ka bërë të ditur Ambasada e Kosovës në Gjermani, që është krenare për përfaqësimin e artisteve shqiptare. “Para një viti në Berlin me rastin e ndarjes së Çmimit më prestigjioz medial “Bambi” publiku gjerman përjetoi magjinë skenike të shqiptares Rita Ora.

Këtë vit, radhën e ka shqiptarja tjetër e famshme. Të premten që vjen, më 16 nëntor, në Berlin me rastin e ndarjes së çmimit ‘Bambi’ para publikut gjerman do të shfaqet Dua Lipa”, thuhet në njoftim.