Dy filma kosovarë mbështeten nga Agjencia për Film e Maqedonisë

Qendra Kinematografike e Kosovës njofton se filmi “The Stroke (Skype)” me regji dhe skenar nga Isa Qosja dhe “Heshtja e Sirenave” me regji dhe skenar nga Gazmend Nela, janë dy filmat kosovarë që janë mbështetur edhe nga Agjencia e Filmit e Maqedonisë, si bashkëprodhime minore, transmeton albinfo.ch.
Filmi “The Stroke” është ranguar në vendin e 5-të nga 23 projektet e përzgjedhura nga Euroimage këtë vit. Projekti filmik është bashkëprodhim në mes Kosovës, Francës, Shqipërisë dhe Malit të Zi.
Ky është bashkëpunimi i radhës me Agjencinë për Film e Maqedonisë, e cila është bërë njëri ndër partnerët më të rëndësishëm të Kosovës në fushën e filmit.
Të dy filmat janë subinvencionuar nga Qendra Kinematografike e Kosovës.