Dy infermiere dënohen nga Gjykata në Cyrih, “mundësuan një vetëvrasje”

(KEYSTONE/Ennio Leanza)

Gjykata e qarkut në Cyrih dënoi dy gra të cilat punonin në Spitalin Universitar në departamentin e pleqve.

Ato thuhet se kanë bërë të mundur vetëvrasjen e një pacienti i cili ishte në depresion, sepse e lanë vetëm për një kohë të shkurtër.

Pacienti 66-vjeçar, i depresionuar, i cili kishte pasur një operacion vaskular në Spitalin Universitar, ishte pa mbikëqyrje për një kohë të shkurtër. Rojtarja e cila e mbajti në sy atë gjatë natës, kishte ndërrimin e orarit. Dhe gruaja e personit në fjalë, e cila zakonisht kujdesej për të, nuk kishte arritur ende në spital.

Pacienti përdori këtë mundësi dhe u hodh nga dritarja. Po atë ditë, ai vdiq nga plagët e tij nga rënia prej katit të pestë, shkruan 20 minuten, përcjell Albinfo.ch.

Për prokurorin, është e qartë se infermierja përgjegjëse dhe udhëheqësja e departamentit të infermierisë kanë shkelur rregullat për kujdesin e duhur. Rreziku për vetëvrasje kishte qenë i dukshëm. “Ato duhet të prisnin që ai të bënte diçka dhe duhet ta kishin parandaluar atë.” Në vend të kësaj, infermieret kishin dërguar rojen në shtëpi dhe e lanë pacientin në fatin e tij”.

Të dy infermieret argumentuan se pacienti ishte qetësuar në mënyrë të konsiderueshme.

Edhe pse të dy infermieret u shpallën fajtore: Gjykata nuk u shqiptoi ndonjë dënim konkret. U mbështet në nenin 53, nenin për përjashtim. Përjashtimi nga dënimi është i mundur, ndër të tjera, nëse gjithçka është bërë për të kompensuar dëmin.

Në rastin aktual, gruaja të cilës i vdiq burri dhe spitali universitar bënë një zgjidhje sipas ligjit civil. Gruaja shpjegoi mungesën e interesit për ndjekje penale. Spitali premtoi të bënte gjithçka në mënyrë që asnjë rast i ngjashëm të mos ndodhte kurrë më.

Të dy infermieret e dënuara duhet të paguajnë shpenzimet e gjykatës. Të dyja vazhdojnë të punojnë në spitalin universitar.