Dy kosovarë dhe një serbe arrestohen për qëndrim ilegal dhe punë në të zezë

Shtetasja serbe po qëndronte ilegalisht në Zvicër ndërsa dy kosovarët akuzohen se përveç qëndrimit ilegal po ashtu edhe kanë punuar “në të zezë” në Zvicër

Policia e Kantonit të Cyrihut, me fillimin e sezonit dimëror ka përforcuar prezencën e saj dhe ka shtuar numrin e kontrollimeve. Kështu, në kuadrin e një aksioni për luftimin e vjedhjeve ka bërë disa kontrollime në Dübendorf dhe në Dietikon, me ç`rast ka arrestuar tre persona, shkruan polizeticker.ch.

Bëhet fjalë për një të re 25 vjeçe nga Serbia dhe dy kosovarë, njëri 24 e tjetri 35 vjeçar.

Shtetasja serbe po qëndronte ilegalisht në Zvicër ndërsa dy kosovarët akuzohen se përveç qëndrimit ilegal po ashtu edhe kanë punuar “në të zezë” në Zvicër, transmeton albinfo.ch. Të tre të arrestuarit, pas trajtimit policor i janë dorëzuar prokurorisë kompetente.