Dy orë pritje në kufi për të dalë nga Kosova

Shumë mërgimtarë që po kthehen në vendet e BE-së pas pushimeve në Kosovë, po presin deri në dy orë në kufi, transmeton albinfo.ch.

Referuar Qendrës Kombëtare për Menaxhim Kufitar, në pikëkalimin kufitar në Merdar pritjet për të dalë nga Kosova janë dy orë dhe kolona ka arritur në 800 metra, po ashtu pritjet në këtë pikë kufitare për të hyrë në Kosovë janë 30 minuta.

Nga ana tjetër, një pikë tjetër e ngarkuar është edhe ajo tek “Dheu i Bardhë”, ku pritjet për të hyrë janë 30 deri 40 minuta, ndërsa për të dalë jo më shumë se 15 minuta.

Kolonë njëkilometërshe është krijuar edhe në dalje të pikës kufitare në Vërmicë, ku pritjet për të dalë nga Kosova janë 20 deri 30 minuta, ndërsa për hyrje nga kjo pikë nuk pritet më shumë se 10 minuta.

Më poshtë gjeni raportin për fluksin në të gjitha pikat kufitare të Kosovës.