Shpërthime në dy qytete të Shqipërisë

Foto ilustrim

Qyteti i Vlorës është tronditur nga një shpërthim me lëndë plasëse mëngjesin e së enjtes.

Sipas policisë, ngjarja ka ndodhur në afërsi të një lokali në lagjen “Rilindja” dhe nga shpërthimi ka pasur vetëm dëme materiale.

Mësohet se ngjarja është filmuar nga kamerat e sigurisë së lokalit, por identifikimi i autorit është i vështirë, pasi ai ishte i maskuar.

“Më datë 11.04.2019, rreth orës 03:30, në lagjen “Rilindja”, në afërsi të lokalit me pronar S.Z., dyshohet se ka shpërthyer një sasi e vogël lëndë plasëse. Si pasojë e shpërthimit nuk ka dëme në njerëz, por vetëm dëme materiale”, thuhet në njoftimin e Policisë, përcjell albinfo.ch.

Ndërsa në Tepelenë është djegur vetura e shefit të seksionit të krimeve në Policinë e këtij qyteti.