Dy zyrtarë gjermanë dyshohen si spiunë rusë

pixabay

Zyrtarët gjermanë të inteligjencës po hetojnë dy zyrtarë të lartë nga Ministria e Ekonomisë, nën dyshimin se kanë punuar si spiunë në emër të Rusisë.

Kështu raportoi gazeta gjermane “Die Zeit” më 31 gusht.

Zyrtarët ishin përgjegjës për drejtimin e politikës energjetike të Gjermanisë.

Ata raportohet se kanë ngjallur dyshime duke mbrojtur pozicionet proruse dhe duke kritikuar vendimet e qeverisë së Olaf Scholz për politikën energjetike, veçanërisht vendimin për pezullimin e projektit të gazsjellësit Nord Stream 2, transmeton Ap, përcjell Albinfo.ch.

Një hetim paraprak i dy të dyshuarve zbuloi se një nga punonjësit kreu një vizitë studimore në Rusi, si dhe ka një “afërsi emocionale” me vendin.

Deri më tani autoritetet gjermane nuk kanë asnjë provë të prekshme që zyrtarët ishin të përfshirë në spiunazh në emër të Rusisë.

Ky nuk është rasti i parë i spiunazhit të dyshuar rus në Gjermani në vitet e fundit.

Si një nga ekonomitë më të besueshme në furnizimet me gaz rus, ka një pjesë të madhe të interesave brenda kompanive gjermane dhe madje edhe disa ministrive në favor të ruajtjes së lidhjeve ekonomike me Rusinë.

Ish-kancelari i Gjermanisë, Gerhard Schröder, është pjesë e bordit të monopolit rus të gazit Gazprom dhe ishte i përfshirë shumë në lobim në emër të projektit të dështuar Nord Stream 2.