Edhe 40 ditë kohë për viza

Vetëm edhe 40 ditë Kosova ka kohë që ta ratifikojë marrëveshjen për demarkacionin, nëse dëshiron ta fitojë liberalizimin e vizave.

Kështu deklaroi presidenti Hashim Thaçi, në konferencën vjetore me gazetarë.

Ai e pranoi se ky kriter është i padrejtë, por tha se duhet plotësuar. Ndër të tjera, kreu i shtetit foli edhe për dialogun, ushtrinë e çështje të tjera, bën të ditur televizioni publik i Kosovës.

Presidenti Hashim Thaçi tha se është duke punuar personalisht me kryetarin e Kuvendit, Kadri Veseli e kryeministrin Ramush Haradinaj, që të merret edhe mendimi i opozitës, në mënyrë që të lëvizet  drejt një zgjidhjeje që do të hapte perspektivën për liberalizim të vizave, përcjell albinfo.ch.

Për transformimin e FSK-së, presidenti tha se Kosova e ka pasur shansin ideal, para pak kohësh.