Edhe dy oficerë doganorë të arrestuar nga aksioni i IPK-së

@policia e kosoves page fb

Bëhet e ditur se Dogana e Kosovës ka mbeshtetur Inspektoratin Policor të Kosovës në operacionin e arrestimit të zyrtarëve të kufirit në Rajonet Gjakovë dhe Prizren, ku janë arrestuar edhe dy zyrtarë doganorë nën dyshimet se kanë kryer veprat penale ‘mitmarrje’ dhe ‘shpërdorim i detyrës apo autoritetit zyrtar’, përcjell albinfo.ch.

Thuhet se pas arrestimit të tyre, Drejtori i Përgjithshëm i Doganës ka ndërmarrë veprimin e suspendimit të menjëhershëm të zyrtarëve doganorë të arrestuar dhe do të fillojë procedimin administrativ disiplinor, njofton Dogana.

Në Qafë Morinë ka përfunduar aksioni i Inspektoratit Policor të Kosovës, në koordinim me Prokurorinë Speciale të Kosovë. Pasi që policët që ishin në ndërrim, u arrestuan, Policia e Kosovës dërgoi policë nga pikat e tjera kufitare për të mbuluar mungesën e tyre.

Nga ky aksion pritet arrestimi i dhjetëra zyrtarëve policorë.