Edhe Gjermania e vlerëson me çmim sopranon Ermonela Jaho

Bëhet e ditur se shteti gjerman e ka vlerësuar me çmim Ermonela Jahon. Në faqen zyrtare të OPERA AWARDS shkruhet:

“Dihet se një karrierë në opera kërkon shumë më shumë se vetëm një një zë i bukur. Megjithatë, mbetet diçka e rrallë sesi një artist është i aftë t`i zbulojë thellësinë e tij më të brendshme audiencës vetëm përmes të kënduarit dhe interpretimit”.

Kurse vetë Ermonela me emocionet që i lexohen nëpër rreshta shkruan:

“Në fillim Spanja dhe tani Gjermania me këtë çmim të papritur!

Do të përpiqem të shpreh me fjalë mirënjohjen time dhe çfarë do të thotë kjo arritje për mua, por e kam të pamundur. Ndihem krenare që jam edhe në mesin e të nominuarve, e lëre më çmimin Fitues për këngëtaren femër 2024. Faleminderit OPER! AWARDS për këtë nder të madh. Një falënderim i madh për kolegët e mi të mrekullueshëm, për publikun e mrekullueshëm që më dha dashurinë dhe vlerësimin e tij dhe për çdo person të dashur që ka mbështetur rrugëtimin tim. Muzika duhet të tregojë një histori, duke frymëzuar audiencën dhe nuk ka arritje më të madhe sesa të lidhesh me çdo zemër që dëgjon!”.