“Edhe katër vjet të tjera”, fotografia më e pëlqyer në Facebook

Edhe pse është postuar në vitin 2012, asnjë foto tjetër nuk ka marrë më shumë “like” dhe “share” sesa ajo që tregon një moment përqafimi mes Barack Obamës dhe bashkëshortes së tij, Michelle.

Stafi i fushatës së ish-presidentit amerikan e hodhi foton në rrjetet sociale në momentin e shpalljes së fitores së tij në garën për mandatin e dytë presidencial, transmeton koha.net.

Fotoja e shoqëruar me mesazhin ”Edhe katër vjet të tjera”, u kthye në më populloren e të gjitha kohëve. Brenda një nate të vetme, ajo kishte mbledhur mbi 3,2 milionë ”like” dhe është shpërndarë 400.000 herë.

Fotografia aktualisht ka afro pesë milionë pëlqime, përcjell albinfo.ch.