Edhe Kosova pjesëmarrëse në Forumin Ballkan-BE

Takimi, për të evituar bojkotimin e Serbisë do të zhvillohet pa shenja shtetërore dhe pa emra të funksioneve të të pranishmëve

Me ftesë të përfaqësueses së lartë të Bashkimit Evropian, për Politikë të Jashtme dhe Siguri, Catherine Ashton, të hënën në mbrëmje, më 20 qershor, në Luksemburg do të zhvillohet një takim mes ministrave të BE-së dhe kolegëve të tyre nga Ballkani Perëndimor, shkruan lajm.info

Në këtë takim janë ftuar Kosova, edhe Serbia. Takimi do të zhvillohet sipas formulës GYMNIH, që do të thotë pa shenja shtetërore dhe pa emra të funksioneve të të pranishmëve.

Në këtë mënyrë sigurohet që në takim të marrë pjesë edhe ministri i Jashtëm i Kosovës, Enver Hoxhaj, dhe kjo të mos mund të përdoret nga Serbia për ta bojkotuar takimin.