Edhe mërgimtarët i bashkohen protestës në Shtime

Kërkojnë lirimin e vëllezërve Ndrecaj

Në Shtime edhe sot po protestohet para Gjykatës në shenjë pakënaqësi ndaj vendimit për paraburgim të pronarëve që para disa ditësh shtëpitë e tyre u grabitën nga hajnat, ku njëri mbeti i vdekur, përcjell albinfo.ch.

“Sot më 09.08.2019, në ora 11:00 para Gjykatës në Ferizaj vazhdojmë protestën kundër vendimit të Gjykatës që burgosi pronarët e shtëpisë, ku natë më parë u grabitën dhe u plagosën nga grabitësit. Hajni si pasojë e përleshjes mori plagë dhe ndërroj jetë, ne si familjarë ndjejmë keqardhje, por Nuhi Ndrecaj ka reaguar në vetëmbrojtje”, thuhet në njoftimin e dërguar për media.

Përmes kësaj proteste ata po kërkojnë lirimin e vëllezërve Ndrecaj, derisa kanë kërkuar edhe mërgimtarët t’i bashkëngjiten, transmeton albinfo.ch.

“Ne kërkojmë nga Gjykata që t’i lirojë vëllezërit Ndrecaj menjëherë dhe të koncentrohet në kapjen e hajnave të tjerë që ende janë në liri dhe ku qytetarët, e posaçërisht mërgimtarët po rrezikohen gjatë pushimeve në shtëpinë e tyre”, thuhet në njoftim.

---