Edhe një sportiste nga Kosova, me pozitë të rëndësishme në FIFA

Sanije Krasniqi është emëruar në rolin e ekspertes në programin e Zhvillimit të Futbollit të Vajzave në FIFA.

“Një tjetër sukses për punonjësit e FFK-së, të cilët falë punës profesionale po gradohen në pozita në shtëpinë botërore të futbollit. Sanija për 24 vjet është pjesë e futbollit në pozita të ndryshme. Ajo ishte futbolliste e gjyqtare e suksesshme, derisa pas anëtarësimit të Kosovës në UEFA e FIFA udhëhoqi programin Grassroots në FFK”, thuhet në njoftim, transmeton albinfo.ch.

Aktualisht Krasniqi është shefe e Departamentit të Edukimit dhe përzgjedhëse e Kombëtares U17 të vajzave.