Edhe sindikata e punëtorëve nga Zvicra, në protestën e punëtorëve në Prishtinë

Po ashtu në këtë protestë ka marrë pjesë edhe sindikata e punëtorëve nga Zvicra, UNIA, anëtarët e së cilës kanë shprehur solidaritetin me punëtorët kosovarë

Në Ditën Ndërkombëtare të Punëtorëve, në Prishtinë është zhvilluar një protestë në kërkim të përmbushjes së legjislacionit në fuqi.

Protestës së Bashkimit të Sindikatave të Pavarura me moton “Qeveri, BOLL MO. Zbato ligjin!” i janë bashkuar të gjitha sindikatat e punëtorëve si dhe deputetët e Lëvizjes Vetëvendosje dhe ata të Grupit të Pavarur të Deputetëve.

Po ashtu në këtë protestë ka marrë pjesë edhe sindikata e punëtorëve nga Zvicra, UNIA, anëtarët e së cilës kanë shprehur solidaritetin me punëtorët kosovarë, përcjell albinfo.ch.

Kreu i BSPK-së, Avni Ajdini, ka përsëritur kërkesat e punëtorëve për pagë minimale, respektim të orarit nga punëdhënësit dhe sigurime shëndetësore për punëtorët.

Ajdini ka thënë se BSPK-ja do të marrë masa më radikale nëse Qeveria nuk respekton kërkesat e tyre. Ajdini ka deklaruar se punëtorët në Kosovë janë të diskriminuar në shumë aspekte.