Edhe tigri del pozitiv me koronavirus

Kopshti Zoologjik i Bronx është mbyllur për publikun që nga 16 marsi

Një tigër në kopshtin zoologjik Bronx në New York, është bërë e para e këtij lloji që provoi pozitivisht për koronavirusin, shkruan CNN.

Tigri 4 vjeçar testoi pozitiv pasi zhvilloi një kollë të thatë dhe pritet të shërohet, tha Bronx Zoo në një njoftim.

Mostrat nga Nadia u morën dhe u testuan pasi tigri, dhe pesë tigër dhe luanë të tjerë në kopshtin zoologjik, filluan të shfaqnin simptoma të sëmundjes së frymëmarrjes, përcjell albinfo.ch.

Asnjë kafshë tjetër në kopshtin zoologjik nuk po shfaq simptoma.

Testimi Covid-19 që u krye tek Nadia u krye në një laborator të shkollës veterinare dhe nuk është i njëjti test i përdorur për njerëzit, postoi në Facebook Dr. Cal Calle, shefi veterinar i kopshtit zoologjik.

Kafshët u infektuan nga një punonjës i kopshtit zoologjik, i cili ishte “i infektuar asimptomatikisht nga virusi” ndërsa kujdesej për to, sipas kopshtit zoologjik. Kopshti Zoologjik i Bronx është mbyllur për publikun që nga 16 marsi.

---